MMFF: Maraming Magandang Filipino Films

Masarap manood ng mga pelikulang kalahok ngayon sa Metro Manila Film Festival 2016. Para sa akin, ibinabalik lamang ang dating anyo nito na pinagmulan din ng mga klasikong pelikula tulad ng Ganito Kami Noon, Paano Kayo Ngayon (1976), Insiang (1976), Burlesk Queen (1977), Kisapmata (1981), Himala (1982), Karnal (1983) hanggang sa Jose Rizal (1998), Muro Ami (1999) Bagong Buwan (2001) at marami pang iba.

Noon pa man, marami nang magagandang Filipino Films bago pa man ito tuluyang nilunod ng labis na komersyalismo na ang tingin sa mga manonood ay may kakulangan sa film literacy. Ang Filipino audiences ay may kakayahan ding mag-isip at bumasa ng pelikula.

Kaya naman sa pagsuporta natin ngayon sa MMFF, maaaring magpatuloy ito hanggang sa makaipon muli tayo ng mga pelikulang masasabi nating cultural artifacts.

More than entertainment and political economic practices, films should be first and foremost a repository of history and identity of what a Filipino is. Films should not be canonized merely by their box-office success, but by its sincere representation of life itself. The business side of it serves as a reward.

#Reelvolution #MMFF2016 

 

***

Sa totoo lang, lakas maka-Oscars ng MMFF this year. Lahat palaban. Ang classy ng peg. Hindi na lamang ito tungkol kay Vic at Vice. Dati pipili lang ng isa o dalawang natitipuhan para panoorin. Ngayon, gusto nating mapanood lahat! Literal na lahat. Hindi ka manghihinayang. At ang mas maganda, pagkatapos mong mapanood, pag-uusapan pa ito, mag-iisip ka, makikipag-debate, magbibigay ng sariling opinyon. Hindi na ito usapin ng pagiging mainstream o independent. It’s Philippine Cinema. It’s Filipino Film. (So what is Filipino Film? O saka na at mahaba-habang essay yan haha.)

Yan ang pelikula. Yan ang film festival! It’s a good sign.

Pansin na pansin na lahat ng direktor, aktor, screenplay, cinematography, treatment, at lahat ng elementong bumubuo sa isang pelikula. Marami ding na-offer na bago para sa mga traditional MMFF moviegoers tuwing kapaskuhan. May documentary, may animation. Kumpleto.

At karamihan ay labor of love, not labor for Marxism. Hindi na ito usapin ng pagiging number one sa box-office, sama-sama nating iniaangat ang bawat isa. Aesthetics over capitalism. Auteurism over corporate interests.

Nakikita ko, tuluy-tuloy na ito. Change has come!

Congratulations to all the participants and winners of MMFF 2016!

Maraming Magandang Filipino Films. Kaya naman talaga, kailangan lang manindigan.